စင်္ကာပူ အစိုးရကျောင်းဝင်ခွင့်

စင်္ကာပူမှာနေတဲ့ညီမလေး…

သူ့သားလေး စင်္ကာပူအစိုးရကျောင်းမှာ ဝင်ခွင့်ရမရမေးလာလို့ တားရော့ကဒ်ဆွဲကြည့်တာ The Strength ကဒ်ကျပါတယ်။

ကဒ်ထဲမှာက အမျိုးသမီးက ခြင်္သေ့ကို ပွတ်ပေးနေတဲ့ပုံလေး…။

ညီမကိုတော့ ရန်ကုန်မှာနေတယ်ထင်လို့ ပညာရေးနဲ့ဆိုင်တဲ့ ကြာဿပတေးနေ့ မနက်စောစော ရွှေတိဂုံစေတီတော်၊ အင်္ဂါထောင့် (ခြင်္သေ့ထောင့်) မှာ ကြာဿပတေးနံ မေမြို့ ၁၉ပွင့် လှူခိုင်းလိုက်တယ်။

သူက စင်္ကာပူမှာ နေနေတယ်ပြောတော့ စင်္ကာပူမှာက စေတီကလည်းမရှိ (စေတီရှိမရှိ အတိအကျမသိပါ။)

ဒီလိုနဲ့ ကြံရင်းဖန်ရင်းစဥ်းစားရင်း နာမည်ကျော် အင်္ဂဝိဇ္ဇာပညာရပ်ကြီးထဲက “ထိကြဓာတ်ပစ္စည်း” အခန်းကို သွားပြီးသတိရလေတော့ စင်္ကာပူက ခြင်္သေ့ရုပ်ကြီးကို သွားပြီးသတိရလိုက်တယ်။

အဲဒါနဲ့ပဲ တားရော့ကဒ်နိမိတ်လည်းပါအောင်၊ အင်္ဂဝိဇ္ဇာပညာရပ်ကြီးလည်း မလွတ်ရလေအောင်-

{ပညာရေးနဲ့ဆိုင်တဲ့ ကြာဿပတေးနေ့ မနက်စောစောမှာ စင်္ကာပူက ခြင်္သေ့ရုပ်ကြီးဆီသွားပြီး မိခင်ကိုယ်တိုင် ခြင်္သေ့ကြီးကို အိမ်မွေးတိရိစ္ဆာန်လို ပွတ်ပေးရင်းနဲ့-

“သားလေး စင်္ကာပူ အစိုးရကျောင်းမှာ ကျောင်းတက်ခွင့်ရအောင် စောင့်ရှောက်ပေးပါ” လို့ ပြောဆိုရန် လမ်းညွှန်ပေးလိုက်ပြီးသည့် သကာလ…

ဝင်ခွင့်ရရှိကြောင်း အကြောင်းပြန်လာသည်ပေါ့ခင်ဗျာ…

(အားလုံး အဆင်ပြေကြပါစေ…)

ခြင်္သေ့ပုံကတော့ စင်္ကာပူကညီမ အဲဒီမနက်က ရိုက်ထားတဲ့ပုံပါ။

Sayar Zar Ni

09 2500 61346

နိမိတ်ဟောကိန်း

ယနေ့…သီတင်းကျွတ်လပြည့်နေ့နံနက်ခင်း…

ရွှေတိဂုံစေတီတော်မြတ်ကြီး၏ ရင်ပြင်ပေါ်တွင်ကား ဘုရားဖူးသူများ၊ ဆယ်ဖီဆွဲသူများဖြင့် အထူးစည်ကားလှပေ၏။

စေတီတော်မြတ်ကြီးအား လက်ယာရစ်ပူဇော်နေရင်းဗုဒ္ဓဟူးထောင့်နှင့် စနေထောင့်ကြားအရောက်-

ရှိခိုးဦးခိုက်ချင်သည့်စိတ် ပြင်းပြလာ၍ မိသားစုအား ရှေ့ဆက်သွားခိုင်းလိုက်ပြီး၊ စေတီတော်မြတ်ကြီးအား ရင်ပြင်တော်ပေါ်မှပင်ဦးခိုက်ရင်း နောက်ချန်နေခဲ့လေ၏။

ရှိခိုးအပြီး လက်ယာရစ်ပတ်ရင်း မိသားစုနောက် လိုက်လာလေရာ သောကြာထောင့်ရောက်သည်အထိ မတွေ့ရတော့ “ကျော်များသွားပြီလား” ဆိုပြီး စိတ်ထဲတွင် နည်းနည်းတော့ထင့်လာ၏။

ထိုအခိုက်-

ရှေ့မှသွားနေသော အသက်၅၀ကျော်ခန့် အမျိုးသား၏လက်ထဲမှထီးသည် ရင်ပြင်ပေါ်သို့ “ဘုန်းကနဲ” ပြုတ်ကျလေတော့ရာ စနေနိမိတ်ဖြစ်၍ စနေထောင့်တွင် ရှိရမည်ဟု နိမိတ်ကောက်မိလေတော့၏။

(ကိုယ့်ရဲ့လှိုင်းWaveတွေ သူ့ကိုသွားပြီး ရိုက်ခတ်ပေခြင်းလော…)

ရှေ့ဆက်ပြီး ခြေလှမ်း ၅လှမ်းခန့်အရောက်၊ ရှေ့တူရှုမှလာနေသောစုံတွဲမှ အမျိုးသားက အတူပါလာသူ အမျိုးသမီးအား…

“ဟိုမှာလေကွာ၊ စနေထောင့်မှာ” ဟု အသံသြသြကြီးနှင့်ပြောသံကို ကြားလိုက်ရလေရာ စနေထောင့်နိမိတ်မှာ ပိုမိုခိုင်မာသွားတော့၏။

သို့ပေမယ့် လာတုန်းက အရှေ့မုခ်မှတက်လာတော့ သေချာသွားအောင် အရှေ့မုခ်အထိဆက်လျှောက်ပြီး ရှာဖွေလေရာ မတွေ့တော့သည့်အဆုံး အလှူခံဖြတ်ပိုင်းရေးနေသော ပုဂ္ဂိုလ်လေးအား အကူအညီတောင်းရလေတော့၏။

“ညီလေး၊ အစ်ကို့ဖုန်း ကားထဲမှာကျန်ခဲ့လို့ လူကွဲသွားတာ ဖုန်းလေးဆက်ချင်လို့ပါ”

“ဟုတ် အစ်ကို၊ ဖုန်းနံပါတ်လေးပြောပါ”

“09- 77 ×× ××××× ပါ”

“ဟယ်လို၊ ထူး…အခုဘယ်နားမှာလဲ”

“စနေထောင့်မှာ” ဟုပြောသံကြားပြီးသည့်သကာလ…

ဖုန်းခေါ်ပေးသည့် ပုဂ္ဂိုလ်လေးအား ကျေးဇူးတင်စကားဆိုပြီးနောက်၊ တက်ကြွသောခြေလှမ်းများဖြင့် စနေထောင့်ဆီသို့ လှမ်းလာရင်း…

“ထီး”ကို စနေနံဟု တီထွင်ပေးသွားသော ရှေးမြန်မာ့ ပညာရှင်ကြီးများ၏ အလွန်အဆင့်မြင့်သော ဂမ္ဘီရပညာဥာဏ်များအား ရင်ထဲမှအကြိမ်ကြိမ် ရှိခိုးဦးခိုက်နေမိပါတော့သတည်း…။

Sayar Zar Ni

09 2500 61346

ဗေဒင်လမ်း

ကျွန်ုပ်တို့ငယ်ရွယ်စဉ်က အိမ်နားတွင် ဦးမျိုးအောင်ဆိုသော မြန်မာတိုင်းရင်းဆေးဆရာကြီးတစ်ဦး နေထိုင်လေ၏။

ဆရာကြီးသည် “ကင်ဆာအထူးကုသည်” ဟုကြော်ငြာထားရာ ဆေးရုံမှလက်လွှတ်လိုက်သော ကင်ဆာဝေဒနာရှင်များသည် ဆရာကြီးထံသို့ လာရောက်ကုသကြလေကုန်၏။

မကြာမီအချိန်အတွင်းမှာပင် ” ဆရာကြီးဦးမျိုးအောင်ဆီရောက်ရင် အကုန်သေတာပဲ” ဟုနာမည်ကြီးသွားလေတော့၏။

အမှန်ကတော့ ဆေးရုံကလက်လွှတ်လိုက်သော လူနာများ သေမည်ဆိုတာ ဆရာကြီးသေချာပေါက်သိပါလိမ့်မည်။

သို့သော် ဆရာကြီးသည် ဂရုဏာဖြင့် နောက်ဆုံးအချိန်ထိ ရလိုရငြား အစွမ်းကုန်ကုသပေးခြင်း ဖြစ်ပေလိမ့်မည်။
——————————————————————————————————————————————-

ကျွန်ုပ်တို့ဗေဒင်လောကတွင်လည်း အလားတူဖြစ်၏။ ရောဂါကျွမ်းမှ ရောက်လာကြသူများ၏။

အိမ်ထောင်ကွဲမလားဟုမေးသော် “ကွဲမည်” ဟု ပြတ်ပြတ်သားသားဖြေသော ဗေဒင်ဆရာသည် သူ့ဘာသာသူ ဆယ်ခါပြန်ကွဲကွဲ နာမည်ပျက်ကိန်းမရှိ။

မကွဲစေလိုသောစိတ်ဖြင့် လှည့်ပတ်ကြည့်ရှု အကြံပေးမိသော် အထက်ကဆေးဆရာကြီးအတိုင်း နာမည်ပျက်ဖို့သာ ရှိလေတော့၏။

ထို့ကြောင့် ဗေဒင်ဆရာများအနေဖြင့် ဘယ်လမ်းကို လိုက်သင့်သည်ကို စဉ်းစားသင့်ပါကြောင်း…

Sayar Zar Ni (KP)

B.E.(Civil)

Facebook: Zar Ni

https://www.facebook.com/sayauzarni.kp/

ကိုယ်ပိုင်အထက်တန်းကျောင်းနှင့် KP ပညာ

[gallery ids=”26665,26666,26667,26668″ type=”rectangularေ

ကိုယ်ပိုင်အထက်တန်းကျောင်းပိုင်ရှင် မိတ်ဆွေတစ်ဦး…
လုပ်ငန်းအောင်မြင်မလားမေးလို့ တားရော့ကဒ်ဆွဲကြည့်လိုက်တာ The World ကမ္ဘာလောကကဒ်ကျတယ်။ အောင်မြင်ကျော်ကြား လူသိများမယ့်သဘော…
KP ဟူးရားဇာတာနဲ့ ကြည့်မယ်ဆိုရင်လည်း အလုပ်နဲ့ပတ်သက်တဲ့ ၁၀-တန့် CSL က ရာဟုဖြစ်ပြီး ၂-တန့် (ဝင်ငွေဘာဝ)မှာရပ်ကာ၊ ၁၁-တန့် (လာဘဘာဝ)မှာရပ်တဲ့ အင်္ဂါဂြိုဟ်ပိုင်နက္ခတ်ကိုစီးထားပြီး၊ ၂-တန့်မှာရပ်တဲ့ ၁-နွေSub ကို စီးထားလေတော့ လုပ်ငန်းအောင်မြင်ပြီး ဝင်ငွေတိုးပွားမယ်ဆိုတာ ပြနေတယ်…။

အခုလောလောဆယ် သောကြာဒသာက 28.11.2023 အထိစားနေတယ်။ သောကြာက ၁-တန့်သခင်ဖြစ်ပြီး၊ ၁-တန့်မှာရပ်နေတာကြောင့် ဒီကာလအတွင်းဟာ ရုန်းကန်ကြိုးစားနေရမယ့် ကာလဖြစ်တယ်။ ၁၂-တန့်မှာရပ်တဲ့ ၂-င်္လာနက္ခတ်ကိုစီးထားလို့ စိုးရိမ်ပူပန်မှုတွေနဲ့ ရုန်းကန်ကြိုးစားနေရမယ်။

28.11.2023 မှ 28.11.2029 အတွင်း ၁-နွေဒသာစားမယ်။ ၁-နွေဟာ ၂-တန့် (ဝင်ငွေ)ဘာဝမှာရပ်ပြီး၊ ၁၁-တန့် (လာဘ)ဘာဝမှာရပ်နေတဲ့ အင်္ဂါဂြိုဟ်ပိုင်နက္ခတ်ကို စီးထားလို့ ဒီကာလရောက်ရင်တော့ ဝင်ငွေအလွန်ကောင်းပြီး ဆန္ဒတွေပြည့်မှာဖြစ်တယ်။
👉By Progression
—————————
အနောက်တိုင်း ပရိုဂရက်ရှင်းစနစ်အရ နောက် ၃-နှစ်လောက်နေမှသာ ၁-နွေနဲ့ ၁၀-တန့်၊ ၁၁-တန့်သခင် စနေတို့ Degree ဒီဂရီ တစ်ထပ်တည်းကျမှာမို့ ၂၀၂၃ နောက်ပိုင်းမှသာ ပိုမို၍ အောင်မြင်ကံကောင်းမည်ဖြစ်ပါကြောင်း….

Sayar Zar Ni (KP)

B.E.(Civil)

သြစတြေးလျ တောမီး

တားရော့နိမိတ်ပုံအရတော့ လူတွေအဓိက ပိတ်မိနေတဲ့ ပုံပါပဲ…။

ကဒ်အရတော့ ဒီနေ့ကစ ၂၁-ရက်လောက်မှ ထိန်းချုပ်နိုင်မယ့်သဘောပါ…။

According to the omen of the card, it is assumed that the fire can be controlled after 21 days from today.

အားလုံး ကံကောင်းကြပါစေ…။
Good luck!

” အုတ်မြစ်ချမင်္ဂလာ” အခါဇာတာ

WA1

ဂဇကေသရီယုဂ်၊ ဓနယုဂ်၊ ရာဇယုဂ်များဖြင့် ရှမ်းပြည်နယ်တွင် မကြာမီဆောက်လုပ်တော့မည့် အဆောက်အဦးသစ်အတွက် ” အုတ်မြစ်ချမင်္ဂလာ” အခါဇာတာ…။

အောင်မြင်နေသော အမျိုးသမီး စီးပွားရေးလုပ်ငန်းရှင်တစ်ဦး၏ ဇာတာ

TZ

ဆရာကြီးဦးမြင့်စိန်၏ ပို့ချချက်ဖြစ်တဲ့ “စီးပွားရေးနဲ့ပတ်သက်ရင် ၁၀-တန့်ဘာဝသခင်ဂြိုဟ်စီးတဲ့ နဝင်းသခင်ဂြိုဟ်ရဲ့ပရိယာယ်အတိုင်းဟောလေ…” ဆိုတဲ့အတိုင်း-

ဒီဇာတာမှာ ၁၀-တန့်ဘာဝသခင်ဂြိုဟ်သည် ၆-ကြာဂြိုဟ်ဖြစ်ပြီး ၂-င်္လာနဝင်းကိုစီးထားကာ ၂-င်္လာဂြိုဟ်ရဲ့ အမြင်ကိုခံထားရပါတယ်…။

နဝင်းဇာတာမှာ ၂-င်္လာနဲ့ ၆-ကြာတို့ အိမ်ချင်းလဲရပ်ထားတာကလည်း စိတ်ဝင်စားစရာကောင်းပါတယ်…။
၂-င်္လာရော၊ ၆-ကြာဂြိုဟ်တွေက အာပေါဂြိုဟ်လို့ခေါ်တဲ့ ရေဂြိုဟ်တွေဖြစ်ပါတယ်…။ ဒါ့အပြင် သူတို့ဟာ ရသာရုံဂြိုဟ်တွေလည်းဖြစ်ပါတယ်…။

ဖလဒိပိကာကျမ်းအလိုအရ ၂-င်္လာဂြိုဟ်ပရိယာယ်တွေက- ” ဖြူသောအဆင်း၊ ယပ်တောင် (ပန်ကာ၊ Air Cooler၊ Air Con.)၊ ထီး၊ သစ်သီးဝလံ၊ ပန်းမာလ်၊ ကောက်ပဲသီးနှံ၊ လယ်ယာလုပ်ငန်း၊ ပုလဲရတနာ၊ ဖြူသောသတ္တု၊ ဘော်၊ ငွေ၊ ချိုသောအရသာနှင့် ပျားရည်စသော အရာဝတ္ထု၊ နွားနို့၊ အဝတ်အထည်၊ ရေ၊ ကောင်းသောခဲဘွယ်ဘောဇဉ်” တို့ဖြစ်ပါတယ်….။

ဒါကြောင့်မို့ အထက်ကလုပ်ငန်းတွေကို လုပ်ကိုင်ရမည်ဆိုသည့်အတိုင်း ဇာတာရှင်ဟာ “ကောင်းသောခဲဘွယ်ဘောဇဉ်” တွေကို ရောင်းချပြီး အောင်မြင်နေတဲ့ အမျိုးသမီး စီးပွားရေးလုပ်ငန်းရှင်တစ်ယောက် ဖြစ်နေပါတယ်…။

၂-င်္လာဂြိုဟ်ကို ရေဂြိုဟ် ၆-ကြာကမြင်တယ်…။ ဒါပေမယ့် ပထဝီရာသီမှာရပ်ပြီး မြင်တာဖြစ်တယ်…။ ဒါဟာ COCA-COLA တို့လို အရည်စစ်စစ် Liquid State ကို ညွှန်းတာမဟုတ်ဘူးဆိုတာကို နားလည်ရမယ်…။ စရရာသီမှာရပ်ပြီး မြင်တာဖြစ်လို့ အရည်ပေမယ့် ICE လိုမျိုး Solid State ကို ညွှန်းတာမဟုတ်ဘူးဆိုတာကိုလည်း နားလည်ရမယ်…။

KP ပညာမှာလည်း ကျွန်တော့်ရဲ့မူအရ စီးပွားရေးနဲ့ပတ်သက်ရင် ၂-တန့် (ဝင်ငွေ)၊ ၁၁-တန့် (လာဘ) ဇာတ်ဆောင်ဂြိုဟ်တွေရှာပြီး ၎င်းတို့ရဲ့ပရိယာယ်အတိုင်း ဟောပါမယ်…။
ဒီဇာတာမှာ ၂-တန့်မှာရပ်ဂြိုဟ်မရှိပါဘူး…။ ပိုင်ရှင်က ၄-ဟူးပါ…။ ၂-င်္လာတစ်လုံးတည်းက ၄-ဟူးနက္ခတ်ကိုစီးထားတော့ ၂-င်္လာက ၂-တန့် ဘာဝဇာတ်ဆောင်ဖြစ်ပါတယ်…။
၁၁-တန့်ဘာဝမှာ ၂-င်္လာဂြိုဟ်ရပ်ပြီး ၆-ကြာတစ်လုံးတည်းက ၂-င်္လာနက္ခတ်ကိုစီးထားလို့

၁၁-တန့်ဘာဝဇာတ်ဆောင်တွေက ၂-င်္လာနဲ့ ၆-ကြာတို့ဖြစ်ပါတယ်…။
ဒါကြောင့်မို့ KP ပညာနဲ့ လက်ရိုးပညာတို့ ကိုက်ညီမှုရှိပါတယ်…။

ယခုလောလောဆယ်မှာတော့ ဇာတာရှင်ရဲ့ နက္ခတ် ၆-ပါးထဲက “မာနသနက္ခတ်- Manas” ကို ကောဇာ ၈-ဟုစီးထားပါတယ်….။
ဒါကြောင့်မို့ 2.9.2019 မှ 20.5.2020 အတွင်း မာနသနက္ခတ်ကို ပါပဂြိုဟ်စီးတဲ့ ပရိယာယ်တွေဖြစ်တဲ့ ” မတော်တဆ ထိခိုက်ဒဏ်ရာရခြင်း၊ နေထိုင်မကောင်းဖြစ်ခြင်း၊ စီးပွားရေးကံ မကောင်းသေးခြင်း၊ အလုပ်အကိုင်များတွင် စိတ်အနှောင့်အယှက်များ ကြုံရတတ်ခြင်း၊ အတွင်းရန်နှင့် အပြင်ရန်များကို ကြုံရတတ်ခြင်း” စသော အဟောများကို ကြုံတွေ့ရပါမယ်…။

(မှတ်ချက်။ ။ ဤကာလအတွင်းမှာပဲ အိမ်ထောင်ကွဲခဲ့ပါတယ်။)

ဒါပေမယ့် ယောဂကာရကဂြိုဟ်ကြီးဖြစ်တဲ့ ၃-င်္ဂါဂြိုဟ်ဒသာစားမယ့် (20.2.2025 မှ 20.2.2032) အတွင်းမှာတော့ ယခုထက်ပိုမို၍ ကံကောင်းလိမ့်မည်ဖြစ်ပါကြောင်း…။

(FB ပေါ်တွင် ရေးသားခဲ့သောပို့စ်ဖြစ်ပါသည်။)

Sayar Zar Ni

B.E.(CIVIL)

MOODY

အမေရိကန်မှာ ၂၀၂၀ ရွေးကောက်ပွဲတော့ နီးလာပြီ…။

နိုင်ငံရေးလုပ်တယ်ဆိုတာ တကယ်ဝါသနာပါလို့လုပ်တာလား၊ စေတနာပါလို့လုပ်တာလား၊ စိတ်ကူးယဉ်ပြီး လုပ်တာလားဆိုတာကို ဗေဒင်ပညာရှင်က ကောင်းကောင်းသိပါတယ်…။

အထူးသဖြင့် အာဏာနဲ့ပတ်သက်ရင် လူတွေဟာ ပိုပြီးရူးသွပ်တတ်ကြတယ်…။

အကယ်၍များ ကျွန်တော်က… ” နောက်တက်မယ့်သမ္မတဟာ သောကြာနာမည်ရှင်ပါ” လို့ပြောလိုက်ရင် သောကြာနာမည်ရှင်ဖြစ်တဲ့….” ဟီလာရီကလင်တန်” ကလည်း ထပြီးစိတ်ကူးယဉ်ဦးမှာပါပဲ…။

အဲဒီမှာဘာဖြစ်လဲဆိုတော့ စိတ်ကူးယဉ်တဲ့အတိုင်း ဖြစ်မလာရင် အချိန်ကုန်၊ လေကုန်၊ ငွေကုန်တာပဲ အဖတ်တင်တာပေါ့…။

ဥပမာ- ဟီလာရီကလင်တန် သမ္မတရွေးကောက်ပွဲဝင်တယ်၊ ရှုံးတယ်… အချိန်ကုန်တယ်၊ လေကုန်တယ်၊ ပိုက်ဆံကုန်တယ်…။

တကယ်ဖြစ်သင့်တာက ဗေဒင်ပညာရှင်နဲ့အရင်တိုင်ပင်…။ ရှုံးမယ်လို့အဖြေထွက်ရင် စုစုပေါင်းကုန်ကျစရိတ်ကို ဗေဒင်ဆရာနဲ့ တစ်ယောက်တစ်ဝက် ခွဲဝေယူလိုက်…။ ရွေးကောက်ပွဲမဝင်နဲ့…။ ဒါဆိုရင် အချိန်လည်းမကုန်၊ လေလည်းမကုန်၊ ငွေလည်းမကုန်တဲ့အပြင် တစ်ဝက်တောင်မြတ်သေးတယ် မဟုတ်ပါလား….။

(ပုံမှအရောင်သည် ပို့စ်နှင့်မသက်ဆိုင်ပါ…)

Sayar Zar Ni

B.E.(CIVIL)

Donald Trump သက်တမ်းပြည့်မလား (A KP Appraisal)

170921-donaldtrump10things-editorial

အမေရိကန်သမ္မတ Donald Trump ရဲ့လက်ရှိတာဝန်ထမ်းဆောင်နေတဲ့ သမ္မတသက်တမ်းဟာ 2021-ခုနှစ်၊ Jan- လမှာ ပုံမှန်အားဖြင့် ကုန်ဆုံးတော့မှာ ဖြစ်ပါတယ်…။

ဒါကြောင့် Donald Trump သက်တမ်းပြည့် တာဝန်ထမ်းဆောင်နိုင်မလားဆိုတာကို KP ပညာနဲ့ သုံးသပ်တင်ပြပေးပါမယ်…။

ယခုဖော်ပြထားတဲ့ KP ဟူးရားဇာတာမှာ အလုပ်နဲ့ဆိုင်တဲ့ ၁၀-တန့် CSL ဟာ ၆-ကြာဖြစ်ပြီး၊ ၆-ကြာနက္ခတ်ကို ပြန်စီးထားပါတယ်…။

ပေးဂဏန်းလဂ်ရဲ့ CSL ဟာလည်း ၆-ကြာဖြစ်ပြီး၊ ၂-င်္လာဂြိုဟ်စီးထားတဲ့ နက္ခတ်သခင်လည်း ဖြစ်နေတာကြောင့် “ဂူဗာဂါးသီအိုရီ” နဲ့လည်း ကိုက်ညီနေပါတယ်…။

၆-ကြာဟာ ၁၁-တန့်သခင်ဖြစ်တဲ့အတွက်ကြောင့် သမ္မတ ဒေါ်နယ်ထရမ့်အနေနဲ့ လက်ရှိထမ်းဆောင်နေတဲ့ သမ္မတသက်တမ်းပြည့် ထမ်းဆောင်နိုင်ပါလိမ့်မယ်…။ (No doubt!)

——————————————————————————————————————————-

ဇာတာတွေကို ဟောတဲ့နေရာမှာ မွေးချိန်ပေါ်အခြေခံတဲ့ မူလဇာတာနဲ့၊ မေးချိန်ပေါ်မှာ အခြေခံတဲ့ ဟူးရားဇာတာဆိုပြီး နှစ်မျိုးရှိတယ်…။
ဒီလို Case မျိုးမှာဆို ဟူးရားဇာတာကသာလျှင် Clear-Cut Solution လို့ခေါ်တဲ့ ရှင်းလင်းပြတ်သားတဲ့အဖြေကို ပေးနိုင်မှာဖြစ်တယ်…။
ဒသာတွေကိုကြည့်ပြီးတော့လည်း ဘယ်အချိန်တွေမှာ ကောင်းမယ်၊ ဘယ်အချိန်တွေမှာ မကောင်းဘူးလို့လည်း ပြောလို့ရတယ်…။
မူလဇာတာနဲ့ဟောမယ်ဆိုရင် ဒသာတွေ၊ ကောဇာတွေ ကြည့်ရမယ်…။ စားနေတဲ့ ထူလဒသာနဲ့ အန္တရဒသာတို့ ညီညွတ်,မညွတ်တွေကိုလည်း ထည့်စဉ်းစားရဦးမယ်…။ အဖြေကလည်း ပြတ်သားဖို့ မလွယ်နိုင်ဘူး…။
အခုဆိုရင် ဟူးရားဗေဒင်ဟာ အနောက်တိုင်းသားတို့ရဲ့ အသည်းစွဲဖြစ်နေတာကိုလည်း တွေ့ရတယ်…။
ရှေးမြန်မာမင်းတွေ လက်ထက်ကလည်း သူတို့သိချင်တာနဲ့ ဘေးနားက ပညာရှင်ကို “Enter” ခေါက်လိုက်တာပဲ…။ ဘေးနားက ပညာရှင်ကလည်း ဟူးရားပညာနဲ့ပဲ လက်တန်းဟောကြတာများတယ်…။

61660980_2176481592429990_6576562826825957376_n

ဆရာဇာနည္

B.E.(CIVIL)

မြစ်စုံ

မြစ်စုံရဲ့ အနာဂတ်ကိုတော့ တားရော့ကဒ်ဆွဲပြီး နိမိတ်ယူကြည့်ပါတယ်…။
Knight of Cups ဆိုတဲ့ ဖလား စစ်သူကြီးကဒ် ကျပါတယ်…။
ပုံထဲမှာတော့ အဆက်မပြတ်စီးနေတဲ့ စမ်းချောင်းလေးရယ်၊ စမ်းချောင်းလေးဘေးက ရွှေရောင်မြေကြီးတွေရယ်က အပြင်က သဘာဝနဲ့ ခပ်ဆင်ဆင်လေး တူနေတာကို တွေ့ရပါတယ်…။
ကဒ်ပုံနိမိတ်အရ စီးနေတဲ့စမ်းချောင်းလေးက အတားအဆီးမရှိ လွတ်လပ်စွာစီးနေတဲ့ ပုံလေးပါ…။
>>> ဒါ့ကြောင့် တားရော့ပညာ အလိုအရ မြစ်စုံမှာ ရေကာတာ ဆောက်ဖြစ်မှာ မဟုတ်ပါဘူး…။ ဧရာဝတီကတော့ ဆက်လက်ပြီး ရှင်သန်စီးဆင်းနေဦးမှာဘဲ ဖြစ်ပါတယ်…။ <<<

Screenshot_20190502-004705

အကယ်၍များ ဒီကဒ်မကျဘဲနဲ့ Five of Cups လိုမျိုး ကဒ်ကျယင်တော့ အဖြေက ပြောင်းပြန် ဖြစ်သွားနိုင်ပါတယ်…။

Screenshot_20190502-004714

ဆရာဦးဇာနည္ (KP)

B.E.(CIVIL)

09 77264 8894

FB: Zar Ni