ပြည်မြို့၊ ဝေပုလ္လာရာမကျောင်းတိုက်ဆရာတော် ဘဒ္ဒန္တဝေပုလ္လ ရေးသားပြုစုတော်မူသော ဟိတသိဒ္ဓိ ပကာသနီ ကျမ်းလာ ပန်းများ၏ အကြောင်းကို ဖော်ပြအပ်ပါသည်။
“ကပ်လှုသင့်သော ပန်းအညွန့်များ”
ကပ်လှုပှုဇော်သင့်သော ပန်းများ၊ အညွန့်များမှာ-
(၁) သပြေပန်း၊ (၂) ဂန္ဓမာပန်း အဖြူ/အဝါ၊ (၃) မြတ်လေးပန်း၊ (၄) သရဖီပန်း၊ (၅) ငွေပန်း၊ (၆) ကံ့ကော်ပန်း၊ (၇) မေမြို့ပန်းအဖြူ၊ (၈) သစ္စာပန်း။
ဤ (၈)မျိုးသောပန်းများသည် မြတ်စွာဘုရားနှင့်တကွ အနန္တောအနန္တ (၅)ပါးအား ကပ်လှုပှုဇော်ရမည်။ အထက်ပါ (၈)မျိုးသောပန်းများသည် ကုသိုလ်ဓာတ်ပန်း များဖြစ်သောကြောင့် မင်္ဂလာနှင့်ပြည့်စုံသည်။ ကျက်သရေနှင့်လည်းပြည့်စုံနိုင်သည်။ အေးမြကြည်လင်စေသော ကောင်းကျိုးမင်္ဂလာနှင့် ပြည့်စုံသောပန်းများဟု မှတ်ယူ သင့်ပါသည်။ ဤကုသိုလ်ဓာတ် မင်္ဂလာကျက်သရေနှင့်ပြည့်စုံသော ပန်း(၈)မျိုးကိုသာ ကပ်လှုခြင်း၊ ပူဇော်ခြင်း၊ လှုဒါန်းခြင်းကိုပြုရပါမည်။ အထူးသတိပြုကြရန်ဖြစ် ပါသည်။
“မလှုသင့် မဆောင်သင့်သော ပန်း၊အညွန့်များ”
အကုသိုလ်ဓာတ်များပါသော ပန်းများ၊ ဒေါသနှင့် မကောင်းကျိုးကိုသာ ပေးစွမ်းနိုင်သော ပန်း၊အညွန့်များမှာ-
(၁) ဇော်စိမ်း၊ ဇော်ကြားပန်း၊ (၂) ဒေါနပန်း၊ (၃) နှင်းဆီပန်း၊ (၄) စံပယ်ပန်း၊ (၅) ကြက်မောက်ပန်း၊ (၆) လူအများသတ်မှတ်ထားသော စီးပွားဂမုန်းပန်း၊ (၇) နှင်းပန်း၊ (၈) တရုတ်စကားပန်း၊ (၉) စကားစိမ်းပန်း၊ (၁၀) တမာညွန့်၊ (၁၁) ပိတောက်ပန်း၊ (၁၂) နဂါးစက်ပန်း။
ဤ (၁၂)မျိုးသော အညွန့်ပန်းများသည် အကုသိုလ်ဓာတ်ပါသော ပန်း၊ အညွန့်များဖြစ်ကြသည်။ မဆောင်ကောင်း၊ မဆောင်ထိုက်၊ မပန်ကောင်း၊ မပန်ထိုက်၊ မနှစ်သက်ကောင်း၊ လောကီနည်းအရ ဘုရားစသော အနန္တောအနန္တ (၅)ပါးအား မလှုကောင်း၊ မလှုအပ် သတိထားပါ။
လောကီနည်းအရ ကြီးပွားချမ်းသာလိုသော ပုဂ္ဂိုလ်မှန်သမျှ ဤ (၁၂)မျိုးသော ပန်းများကို ရှောင်ရှားရပါလိမ့်မည်။ ခေါင်းမှာမပန်ကောင်း၊ အိမ်ထဲမသွင်းကောင်း၊ ဘုရားစင်ပေါ်မှာမရှိကောင်းပါ။ အကယ်၍ ဤပန်း(၁၂)မျိုးထဲမှ တစ်မျိုးမျိုးကိုလည်းကောင်း၊ နှစ်မျိုး သုံးမျိုးကိုသော်လည်းကောင်း၊ မိမိစိတ်ကကြိုက်နှစ်သက် ၍ ခေါင်းမှာပန်ခြင်း၊ ဘုရားစင်ပေါ်မှာ အလှုများခြင်း၊ ဧည့်ခံပန်းအိုးများတွင် အထိုးများလာပါက ၄င်းမိသားစု အိမ်ထောင်စုသည် စုန်းကဝေများပြုစားခံရသလို မိသားစု စိတ်ဝမ်းကွဲတတ်သည်။ အိမ်တွင်းရေး ဆူပူလာတတ်သည်။ ကျန်းမာရေးဖောက်ပြန်လာတတ်သည်။ အပူသောက ဗျာပါဒများ များပြားလာတတ်သည်။ အမှုပြဿနာများ တက်လာတတ်သည်။ ထွက်ငွေများပြားလာတတ်သည်ကို ခံစားရပါလိမ့်မည်။
“အထူးမှတ်ချက်”
စံပယ်ပန်း၊ နှင်းဆီပန်း။
၎င်းနှစ်မျိုးသည် ရည်းစားဦး၊ ချစ်ဦးသူ ကွဲတတ်သည်။ နှင်းဆီပန်း – ချစ်သူလင်မယား အထင်အမြင်လွဲမှားတတ်သည်။ အိမ်ထောင်ဦးပျက်တတ်သည်။ တစ်ဦးနှင့်တစ်ဦး မောင်တစ်ရွာ မယ်တစ်မြို့ဖြစ်တတ်သည်။ မိသားစုအတွင်းမှာလည်း စိတ်ဝမ်းကွဲတတ်သည်။ သတိထားကြရန်ဖြစ်ပါသည်။
ဇော်စိမ်းပန်း၊ ဇော်ကြားပန်း။
၎င်းနှစ်မျိုးသည် အပူသောက ဗျာပါဒများ တိုးတက်လာတတ်သည်။ စိတ်ရှုပ်ထွေးတတ်သည်။ စီးပွားရေးကျဆင်းလာတတ်သည်။ လက်အောက်ငယ်သား၊ သားသမီး ထော်လော်ကန့်လန့် လုပ်လာတတ်သည်။ အမှုပြဿနာ တက်လာတတ်သည်။
ဒေါနပန်း၊ နှင်းပန်း။
၎င်းနှစ်မျိုးသည် လာဘ်လာဘပိတ်တတ်သည်။ ထွက်ငွေများပြားလာတတ်သည်။ ကျန်းမာရေးဖောက်ပြန်လာတတ်သည်။ စီးပွားရေးကျဆင်းလာတတ်သည်။ ဒုက္ခသည် အပှုသည် ဝင်လာတတ်သည်။
တရုတ်စကားပန်း၊ စကားစိမ်းပန်း၊ ကြက်မောက်ပန်း။
၎င်းသုံးမျိုးသည် ပြဿနာနှင့် အမှုကို လက်ယပ်ခေါ်နေတတ်သည်။ အမှုတက်တတ်သည်။ ပြဿနာ ခဏခဏ ရှင်းနေရတတ်သည်။ ကိုယ့်သြဇာ၊ ကိုယ့်အာဏာ မတည်တန့်နိုင်။ ဆူပူလှုပ်ရှားမှုများ ဖြစ်စေနိုင်သည်။
ထို့ကြောင့်ပင် ဆရာတော်ပြဆိုခဲ့သော ပန်း(၁၂)မျိုးသည် အဆိပ်ပြင်းထန်သော မြွေပွေးများဟု ဆိုလိုသည်။ မိသားစုတစ်စု၊ အိမ်ထောင်စုတစ်စု၊ အဖွဲ့အစည်း တစ်ရပ်သည် ၄င်းပန်း(၁၂)မျိုးကို အသုံးများလာလျင်၊ ၄င်း(၁၂)မျိုးမှ တစ်မျိုး၊ နှစ်မျိုးကို အသုံးများလာခဲ့သော် အဆိပ်ပြင်းထန်သော မြွေပွေးများ အကိုက်ခံရသလို မိမိ၏ စီးပွားရေး၊ ကျန်းမာရေး၊ အိမ်ထောင်ရေးတို့ကို ဒုက္ခကောင်းကောင်းပေးလာနိုင်သည်။
{ဆရာတော်ဘုရားကြီး၏ ဖော်ပြချက်ကတော့ ဤတွင်ပြီးဆုံးပါပြီ။ ဗဟုသုတများ တိုးပွားကြ၍၊ ကောင်းကျိုးမင်္ဂလာများ ခံစားနိုင်ကြပါစေဟု ဆုတောင်းရင်း…}
“သင်တို့၏ ဘဝအမောများပြေပါစေသတည်း…”
ဆရာဦးဇာနည် (K.P)
B.E.(CIVIL)
Email: sayauzarni@gmail.com
